आईपीएल २०२० : २० रनले हैदराबादलाई हराउँदै चेन्नइ छैटाैँ स्थानमा उक्लियाे

0
179

 ब्राबोद्वारा रनआउट भए । यस्तै, हैदराबादका केन विलिम्सनले सर्वाधिक ५७ रनको पारी खेले । उनले ३९ बलमा ७ चौकाको मद्धतमा ५७ रन जोडेका थिए ।

यसैगरी, प्रियम गार्ग १६, विजय शंकरले १२ तथा राशिद खानले १४ रनको पारी खेलेपनि टोलीलाई हारबाट बचाउन सकेन । हैदराबादलाई अन्तिम ओभरमा जितका लागि २२ रनको आवश्यकता परेको थियो । चेन्नइका कप्तान धोनीले बलिङका लागि ड्वेन ब्राबोलाई बल थमाए । अन्तिम ओभरमा हैदराबादले मात्र १ रन जोड्दा शाहबाज नदीमलाई विकेटको रूपमा गुमायो ।

चेन्नइका कर्ण शर्मा र ड्वेन ब्राबोले २(२, शार्दूल ठाकुर, साम कुरान र रविन्द्र जडेजाले समान एक/एक विकेट लिए । यसअघि, दुबइ अन्तर्राष्ट्रिय क्रिकेट स्टेडियममा टस जितेर ब्याटिङमा उत्रिएको चेन्नइले निर्धारित २० ओभरमा १ सय ६७ रन बनाएको थियो ।

चेन्नइको सुरुवात भने खराब रह्यो । चेन्नइका ओपनर फाफ डु प्लेसिस सन्दीप शर्माको बलमा शून्य रनमा आउट भए । यस्तै, दोस्रो विकेटका लागि २५ रनको साझेदारी गरेका साम कुरान सन्दीप शर्माकै बलमा बोल्ड आउट भए ।

तेस्रो विकेटका लागि सेन वाट्सन र आम्बाती रायुडुले ८१ रनको अर्धशतकीय साझेदारी गरे । आउट हुनअघि वाट्सनले ४२ तथा रायुडुले ४१ रन बनाए । यस्तै, महेन्द्र सिंह धोनीले २१ तथा रविन्द्र जडेजाले नटआउट २५ रनको योगदान दिए । हैदराबादका सन्दीप शर्मा, टी नटराजन र खलिल अहमदले समान २/२ विकेट लिए ।

जितसँगै चेन्नइ ८ खेलमा तीनमा जित र पाँचमा हारसहित ६ अंक जोड्दै तालिकाको छैटौँ स्थानमा उक्लिएको छ भने पराजित हैदराबाद पाँचौ स्थानमा यथावत रहेको छ । अंक तालिकाको शीर्ष स्थानमा मुम्बइ इन्डियन्स समान १० अंक भएपनि रनरेटका आधारमा पहिलो स्थानमा रहेको छ ।

यस्तै, दिल्ली क्यापिटल्स दोस्रो, रोयल च्यालेञ्जर्स बेङ्गलोर तेस्रो र कोलकात्ता नाइट राइडर्स चौथो स्थानमा रहेको छ । यसैगरी, राजस्थान रोयल्स सातौँ र किङ्स इलावेन पञ्जाव पुछारमा रहेको छ ।

LEAVE A REPLY

Please enter your comment!
Please enter your name here